Grato Light განათების კომპანიაა, რომელიც კლიენტებსა და პარტნიორებს მსოფლიოს წამყვან, LED განათების ბრენდებს სთავაზობს ისეთი მწარმოებლებისგან, როგორებიცაა CREE და GRIVEN. Grato Light-ის ყველაზე მასშტაბური პროექტი თბილისის ერთ-ერთი ღირსშესანიშნაობა – სატელევიზიო ანძაა, რომელიც მთაწმინდაზე მდებარეობს. ანძაზე უახლესი ტექნოლოგიის, მაღალხარისხიანი სანათებია დამონტაჟებული. ამასთან, Grato Light-ი პასუხისმგებელია საქართველოს რკინიგზის ყველა სადგურის განათების შეცვლაზე ტრადიციული ნატრიუმის ნათურიდან LED ნათურებით, რაც, თავის მხრივ, ამცირებს ელექტროენერგიაზე გაწეულ ხარჯებს. უახლესი LED განათების გამოყენებით, Grato Light-ი მუდმივად ცდილობს საქმიანობაში გარემოსდაცვითი ასპექტების გათვალისწინებას და სადაც შესაძლებელია, ენერგიის კონსერვაციას.

Grato City Center 2012 წელს შეიქმნა. შენობა საცალო სავაჭრო სივრცის 4500 კვადრატულ მეტრს იკავებს. მასში ქვეყნის უმსხვილესი სამომხმარებლო ელექტროსაქონლის პროვადერი კომპანია „ელიტ ელექტრონიქსია“ განთავსებული. შენობა საბურთალოზე, თბილისის ყველაზე მჭიდროდ დასახლებულ უბანში მდებარეობს.

„გრატოს სათბურები“ ჰოლანდიელ ინვესტორებთან ერთობლივი მუშაობის შედეგად დაარსდა. კომპანიაში უამრავი დასახელების ყვავილი და მცენარე გამოჰყავთ, რომლებიც შემდეგ მთელი ქვეყნის მასშტაბით ჩვენი სადისტრიბუციო ქსელის მეშვეობით იყიდება. დღესდღეობით, ჩვენი კომპანია საქართველოში ყვავილების და მცენარეების ყველაზე მსხვილი კულტივატორია. „გრატოს სათბურები“ ასევე დაკავებულია სხვადასხვა მცენარის იმპორტით იტალიიდან, ესპანეთიდან და ნიდერლანდებიდან. ამასთან, ჩვენს კლიენტებს თავიანთი ბაღებისთვის დიზაინის, მომარაგების და დეკორაციის სერვისს ვთავაზობთ. „გრატო სათბურს“ სულ 10 000 კვ.მ. ფართობი უკავია, რასაც ემატება  5 000 კვ.მ. ღია სივრცე ეზოს მცენარეებისთვის.

კომპლექსი „ფაბრიკა“ „გრატოსა“ და სასტუმროთა ქსელის „აჭარა ჯგუფის“ ერთობლივი პროექტია. „ფაბრიკა“ სხვადასხვა დანიშნულების მქონე სივრცეთა გაერთიანებაა, რომელიც საბჭოთა ეპოქის დროინდელ ტექსტილის ფაბრიკის ყოფილ შენობაშია განთავსებული. კომპლექსის ცენტრალური ნაწილი ჰოსტელს უჭირავს, რომელშიც ასამდე ოთახია. დანარჩენი ადგილი კი ბარებს, კაფეებს და სამუშაო სივრცეებს უკავია.

“გრატომ” დაასრულა ფეშენებელური სასტუმროს დეველოპმენტი რომელიც თბილისის მთავარ პროსპექტზე, რუსთაველზეა განლაგებული. სასტუმრომ უკვე მიიღო პირველ სტუმრები. მისი ოპერატორი საერთაშორისო სასტუმროთა ქსელი Wyndham Hotels & Resorts-ია. სასტუმროს აქვს 140 ოთახი, საპრეზიდენტო აპარტამენტი, ღია აუზი და სპა, ასევე საკონფერენციო ოთახები ბიზნეს კლიენტებისთვის. Wyndham Hotels & Resorts -ის პროექტი “გრატომ”  GMG Group-თან ერთად განახორციელა.